Sports, Youth Affairs & Tourism Board chuan vawiin khan Chief Minister Pu Zoramthanga hovin CM Cabinet Meeting Room-ah Board hmalakna tur an sawiho. Sports, Youth Affairs & Tourism Board hi Sports and Youth Services Minister Pu Robert Romawia Royte kaihhruai niin, Pu P.C. Pachhunga chu Vice Chairman a ni.

Vawiin meeting-ah hian Sports & Youth Affairs leh Tourism bakah ICT lama board in hma a lak theihna kawng hrang hrangte sawiho a ni a. Chief Minister chuan sawrkarin hmalakna project a siam hrang hrangte chu mamawhna in a hrinchhuah ni se, thenkhatin pawisa an siamna tura din engmah a awm tur a nilo, a ti.

Meeting-ah hian board hmalakna tura harsatna awm thei leh hmalak hmasak theihna turte sawiho a ni a. Sports ah chuan national leh international level a thleng tura theihna Mizo thalaite a awm discipline hrang hrangte thlithlai a tihchangtlun dan ngaihtuah a, chumi rual chuan tualchhunga discipline hrang hranga hmunhma mamawhna awmte siam leh tihchangtlun dan ngaihtuah ni bawk se, tia sawiin, Traditional Games tih lar chungchang pawh sawiho a ni. Tourism lamah hmasawnna ruangam tha tak tak siam turin ruahmanna siam mek a nih thu Chairman Sports Minister chuan sawiin, Mizoram chu khualzin miten an rawng ngaihven viau tawh thu leh mipui lama inpuahchahna a that ve a pawimawh thu a sawi. Tourism development atan inkalpawhna kawng tha neih hmasak a pawimawh thu tarlan a ni bawk.

Vawiin meeting-ah hian Pu H. Rammawi, State Planning Board Vice Chairman, Pu C. Lalramzauva, Adviser to CM leh Sport & Youth Services, Tourism leh ICT Department hotute leh member dangte an tel a ni.

Attachment

  • Loading attachment...