LATE FEE NGAIHDAM HUN/PENALTY WAIVE PERIOD CHUNGCHANG: Lirthei neitu zawng zawng ten sawrkarin late fee ngaihdamna hun a puan :1st July - 31st August 2019 chhung ngeiin Road tax leh tax dang ba nei zawng zawng ten, late fee chawi lova ba pek theih hun chhung hian tifel vek tura ngen leh hriattir an ni a. Hemi hun chhung hian nasa leh zuala enforcement  duty ten documents check a hmalak mek a ni bawk.

Motor registration hi sawrkar thupek angin Online registration software VAHAANa dah luh vek tawh a ni a. Motor hralh tawh te pawh, a leitu hminga thlak fel a nih loh avanga a tira neitu hminga VAHAANa la chuang tam tak Tax pe tura hriattirna lehkha dawng an awm thei a. Nakin zela thubuai awm thei thilah Motor *inhralh chhawnna lehkha ringawt hi thiam channa a nih dawn loh avangin* hetiang lehkha dawng te pawhin a rang thei ang bera he ngaihdamna hun chhung hian chingfel hman turin DTO office-a kalpui ngei tura hriattir an ni. 

PASSENGER PHUR LIRTHEI MOTOR CHUNGCHANG: State Transport Authority thuchhuak angin Passenger phur lirthei neitute chuan dt.9.7.2019 atanga thla ruk chhung ngeiin an lirthei te an hminga a awmlo a nih chuan anmahni hmingin (Transfer of ownership) an thlak ngei tur a ni a. Hun tiam chhunga thlak lo te chuan Rule 114(1) of the Mizoram Motor Vehicle Rules 1996 in a sawi angin permit neitu a boral a, Legal heirship certificate neite hming chauha thlak phal a ni tawh ang.

DRIVING LICENSE CHUNGCHANG: Driving License application software SARATHI-2 atangin SARATHI-4 ah kan in suan (upgrade) dawn a. Driving Licence leh a kaihhnawih chungchangah, July 29 - August ni 2, 2019 chhung hian kan inkhar rih dawn avangin dawr theih kan ni dawn lova. Mipui hriatthiamna kan dil nghal e.