Ramsa leh nungchate enkawlna leh humhalhna kawnga thuneitu sang ber, State Board for Wildlife, Mizoram chuan vawiin khan Chief Minister Office Conference Room-ah an Chairman Pu Lal Thanhawla, Chief Minister kaihhruaina hnuaiah meeting pawimawh tak neih a ni.

Meeting-a thu ngaihtuah tur agenda 4 chhawpchhuah a ni a. Chungte zingah chuan Lai Autonomous District Council (LADC) huam chhungah Wildlife (Protection) Act, 1972 tlawhchhana Saikhawthlir Wildlife Sanctuary thar siam rawtna ngaihtuah a ni a. Hemi chungchangah hian LADC leh department kaihhawih dangte biakrawn a, a huam chin boundary te thlir nawn leh phawt nise meeting chuan a ti a. Khuai zuk avanga nunna chan chhungten sorkarah ex-gratia an dil thin chungchang sawiho a ni bawk a. Khuai hi wildlife zingah chhiar tel ve chiah anih loh avangin mithi chhungte hnenah tanpuina pawisa fai pekna dan a awm loh thu sawilan a ni a. Khawngaihna (humanitarian) avang erawh chuan ngaihtuah dan dap nise tiin, hetiang vanduaina tawk,( ramsa seh, rul chuk etc.) chhungte hian hun tam tak ral tawh hnuah sorkarah an thlen thin chauh avangin hmalak a buaithlak thin thu sawilan a ni bawk a ni.

Hengte bakah hian W. Phaileng Water Supply Scheme hian Dampa Tiger Reserve chhung a khawih tel avangin Wildlife Board ngaihtuah tura chhawpchhuah a ni bawk a. Scheme hian Tiger Reserve pawimawh zual lai bik a khawih hi zau lutuk lo nia tarlan a ni.

Meeting-a ngaihtuah tur zinga pawimawh ber, Dampa Tiger Reserve chhunga Indo- Bangladesh Border Fencing chungchang a ni a. India leh Bangladesh inkar ramri hung mekah Border Outposts (BOP) hi border fencing pawn lamah nge chhung lamah siam tur tih chungchangah leh border fencing avanga Dampa Tiger Reserve ram hloh hi engtia thawm that tur nge tih chungchangte hi sawi hovin, central sorkara Standing Committe ah thlen leh dawn a ni.

Meeting-ah hian Board member an kal tha hle a ni.

Attachment

  • Loading attachment...