3141/2024-2025

Dated Aizawl, the 22nd November, 2024: Vawiin khan Chief Minister Pu Lalduhoma kaihhruaiin Mizoram State Board for Wildlife thutkhawm vawi 11 na CM Conference Hall ah neih a ni.

1. Meeting hian Pukzing to Silsury kawngpui zauhna tur atana wildlife clearance pek a pawm a. National Board for Wildlife - ah recommend a ni ang.

2. Ramsaten mihring ranvulh an tihhlum palha zangnadawmna pek tur sum, AH & Vety Department-in an bithliah chu a pawm a. A taka kalpui theih tura lo bawhzui turin AH & Vety chu mawhphurhna pek a ni.

3. Mizorama a hmasa ber atan Kawnpui khaw hlui tlang, Kawnpui khawtlangin kum tam tak an lo humhalh tawh, Zotlang Ngaw, ram Hectare 620 a zau chu section 36 (c) of Wildlife (Protection) Act, 1972 dan anga Community Reserve a puan an rem ti.

4. Thorangtlang Wildlife Sanctuary huam chhunga awm Dampui khua sawn chhuah (relocation) kal zelah zangnadawmna la dawng ve lo chhungkaw paruk te hnenah a rang lama zangnadawmna pek ni se, an ti.

Meeting-ah hian Pu Lalthansanga, Minister, EF&CC, Pu TBC Lalvenchhunga, Adviser to CM, Pu T. Lalhlimpuia, MLA leh member dangte an tel a ni.