1200/2026-2027

Aizawl the 25th June 2026: Vawiin khan Chief Minister Pu Lalduhoma hovin State Disaster Management Authority te chu CM Conference Hall-ah an thukhawm a. Pi Rita Massal, Member, NDMA chuan a rawn telpui.

An sawiho langsarte chu:

1. Post Disaster Needs Assesment Report for 2021 - 25:

Kum 2021 - 2025 chhunga khuarel chhiatna avanga Mizoramin thil a hlohte chipchiara chhutna (PDNA) report pek a ni a. PDNA tarlan danin chhiatna thlentu lian zualte chu Cyclone Remal te, African Swine Fever te, ruah sur nasa leh leimin nasa te, kum 2025 kuma hmun thenkhata Sazu puangte an ni a.

Kha kum chhunga Mizoram hloh (total damages) zat hi Rs. 656.76 Crore niin a chhut a, Economic Loss hi Rs. 634.35 Crore hu a thlen niin a chhut a. A siam that leh vekna (overall recovery & reconstruction) atan Rs. 879.82 Crore a tul niin a chhut a ni.

2. Mizoram State Disaster Management Plan 2026 leh district 11 te Disaster Management Plan te sawifiah a ni.

3. Mizoram sorkarin Project Management Unit for National Landslide Risk Mitigation Project te, National Earthquake Risk Mitigation Project leh Mitigation Scheme for Forest Fire Risk Management te chu a lo din tawh a. He PMU hi a taka hnathawk thei tura thuam chak chungchang sawi a ni.

4. Emergency Response Support System kalpui chhunzawm zelna tur te, kum 2024 - 25 chhunga district hrang hranga recovery & reconstruction Fund atanga hnathawh tur thlan chhuah 178, a vaia Rs. 11.44 Crore senna tur te, Search & Rescue hmanraw lei belhna tur te leh ASF State Specific Disaster-a puan zui zel chungchangte pawh an sawi a.

Heng bakah hian Disaster lama Mizoram mamawh hrang hrangte Pi Rita Missal hnenah hian an thlen bawk.

Meeting-ah hian Pu K. Sapdanga, Home Minister, Pu Vanlalhlana, PWD Minister,  Pi Lalrinpuii, Health Minister,  Pu F. Rodingliana, P&E Minister, B. Lalchhanzova, Supply Minister leh  Prof. Lalnilawma, DM & R Minister te, official-te an tel a ni.