Vawiin khan Chief Minister Pu Zoramthanga hovin CM Conference Hall ah State Health Care Society Governing Body chu health care scheme hman mek chungchang a thu pawimawhte an sawiho.

Vawiin meeting-ah hian AB-PMJAY rate siamthat te, Mizorama hospital hrang hrang classification kalpui chungchang te sawiho a ni a. Hospital te chu an len danah te, thawktu awm danah leh khawl neih that danaho leh tehna dangte hmangin Level hrang hranga then an ni dawn a. Empanelled hospital te hi an level azirin notified rate pawh a danglam dawn a ni. State pawn hospital, Mizoram sawrkar nena inremsiamna nei te pawh hospital level sang zawk an nih thin avanga an rate pawh a sang zawk thu vawiin meeting-ah hian sawi a ni.

Vawiin meeting ah hian Health Minister Dr. R. Lalthangliana, Health & Family Welfare Board Vice-Cairman Dr. Z.R. Thiamsanga, Chief Secretary Pu Lalnunmawia Chuaungo leh member dangte an tel a ni.

Attachment

  • Loading attachment...