Vawiin khan Agriculture Minister Pu C.Lalrinsanga'n Aizawl District Football Association (ADFA) buatsaih NECS ADFA 1st Division League final chu lammual ah a hmanpui.

Khuallian Pu C.Lalrinsanga chuan NECS ADFA 1st Division League final khel tu infiammite chu  insum theihna leh mahni in rin tawkna nei turin a fuih a ni. Thalaite hmasawnna atan Mizoram sawrkar in theihtawp a chhuah thu leh infiammi te a ngaihsak thu a sawi bawk.

NECS ADFA 1st Division League final ah hian Aizawl FC Academy leh Kanan FC te an inhmachhawn a. Aizawl FC Academy hian final thleng turin khelh riat khelh ah vawi nga hnehna an chang a. AFC Academy khingpui Kanan FC te hian League match-ah vawikhat chiah chak lovin, vawi li an chak a, vawi thum dang chu an khingpuite an hneh tawk a ni. Final ah hian  Kanan FC an chak a ni (Kanan FC 1-0 AFC Academy).

NECS ADFA 1st Division league final ah hian Sports Minister Pu Robert Romawia Royte leh MLA Pu H.Lalzirliana te pawh an tel a ni.