Ni 30 October, 2019 Nilaini khan Reiek Convention Hall, Tourist Resort-ah Self Help Group (SHG) Credit Camp neih a ni a. He Credit Camp-ah hian SHG 43 hnenah Rs 45,00,000/- (Nuai sawmli leh panga) Sanctioned a ni.

He hun khuallian ni-a hmanpuitu Pu Ngurthansanga, BDO Reiek RD Block chuan Central Sorkarin hmeichhiate schemes hrang hrang hmanga chawikan a tum dan te sawiin SHG Members te chu khawtlang hmasawnna Schemes hrang hrangah nasa zawka inhmang lehzual turin a fuih bawk.

He huna khualzahawm Pi C. Lalthlamuani, Branch Manager, MRB Reiek chuan Insurance leh Bank Loan chungchanga hriat tur pawimawhte tarlangin MRB Reiek Branch atangin SHG 49 hnenah Bank Loan Sanctioned tawh anih thu leh an Branch-ah Loan chhia an la neih ngai loh thu a sawi a. MzSRLM hnuaia SHG te chu loan pek ngam an nih thu leh SHG dangte pawh loan pek chhuah zel a inhuam thu a sawi bawk.

SHG Credit Camp-a khuallian leh khualzahawmte hian khaw hrang hrang 12 tan Loan Sanction Cheque an sem chhuak bawk a ni.

He hunah hian khaw hrang hranga SHG Members te'n SHG kaltlanga hlawhtlinna an neih chanchin ngaihnawm tak tak ngaihthlak a ni a. Reiek RD Block huam chhunga khaw hrang hrang atangin SHG Members bakah Village Council, Bank aiawhte leh NGO hrang hrang te'n he hun hi an hmanpui a ni.