Mizoram State Level Fire Prevention Committee (SLFC) chu vawiin khan Chief Minister’s Office Chamberah committee neiin, Chief Minister Pu Lal Thanhawla, Chairman, SLFC in a kaihruai a ni.

Committee-ah hian agenda 7 chhawpchhuah a ni a. A hmasa berin a hapta hman hun tur atan ni 16 – 20 Feb, 2009 nise tih an rel a. District level committee thar din nise tih chungchangah, official thenkhat designation te tih danglam anih avangte, branch YMA te Joint a alo din tak thu ah te, DC tinte chu Committee thar din tura hriattir nise tih chu remtih a ni a. Sorkar atangte leh LAD atangte in district tinah hrittirna pawimawh zualte pek thin nise, Mizoram pum huap a kangmei laka fimkhur a tulzia leh a pawimawhzia in hrilhhriat leh inzirtirna te a tam thei ang bera neih thin nise, ram ti kangtu man te chu hrem ngei ni bawk se tih chu pawm tlan a ni a. Heng bakah hian kum danga lo tih tawh thin angin  Kangmei chhuak thei laka a invenna lama titha zual bik thlan district te hnenah lawman pek te leh hemi kawnga phur taka a thawktu ten hma an lak theihna turin thil pek siam ni bawk se tih te chu remtih a ni a. Fire Prevention Committee tih chak leh zual dan kawng dap nise, hemi atan hian thingtlang khawtin thlenga committee din nise tih leh Aizawl khawpui chhung leh a chhehvel ah kangmei chhuah theihna hmun tam tak a awm avangin, chutiang lakah kan fihlim theih nan Special Task Force din nise tih pawh pawm tlan a ni.

State Level Fire Prevention Committee ah hian an vaiin member 18 an awm a. Chairman ah CM, Vice Chairman ah Minister, E & F, Member Secretary ah PCCF leh Member 15 dang an awm a ni. He Committee hnuaiah hian hnathawka lo bawhzui tur Sub Committee, Pu Lalthanzara, Parliament Secretary Chairman na hnuaiah member 23 awmna din a ni bawk a ni.