No.2808/2021-2022

Aizawl 30.10.2021: Kum 1971 a India leh Pakistan an indo tuma India sipai ten hnehna an channa ni (Vijay diwas) chu a kum 50-na, Swarnim Vijay Vaarsh tih vuaha lawm a ni a. Hemi pual hian hnehna meichher (Swarnim Vijay Mashaal/Golden Victory Torch) chu India ram hmun hrang hrang tlawhpuiin vawiin khan Mizoram rawn luh pui niin, Chief Minister Pu Zoramthanga hovin lammualah a lawmna hun hman a ni.

Nikum December ni 16, Vijay Diwas khan India Prime Minister Pu Narendra Modi chuan Delhi a National War Memorial a "eternal flame" ah he meichher hi chhi in, India ram state hrang hrangah kalpui a ni a.

Chief Minister Pu Zoramthanga chuan kum 1971 a India sipai ten Pakistan laka hnehna an channa ropui takin a golden jubilee kum puala India sawrkarin a lawmna ropui dangdai tak a buatsaih chu lawmawm a ti a. Sipai huaisen tak tak, nunna chan ta te chu an inpek a hlutzia a sawi a. Damchhuak a vawiin ni thlenga hun min la hmanpui thei war veteran-te chungah pawh lawmthu a sawi. Sipai huaisen tak takte inpekna leh hnathawh chu theihnghilh a nih ngai tawhloh tur thu a sawi a. Chutihrual chuan tunlai khawvelah India sipaite chetchhuahna tur indona a thlen tawh loh chu a beisei leh duhthusam a nih thu a sawi bawk.

Vawiin programme ah hian Assam Rifles DIG Pu Digvijay Singh chuan thu sawi bawkin, military history ah kum 1971 indo tum anga khati zat sipai tlawm tir thei kha hmuh tur a tam lo hle a ni, a ti a. Khatih hunlai indonaa tel ve Mizo sipai te tam tak an awm leh vawiin programme an tel ve thei chu lawmawm a tih thu a sawi bawk..

Chief Minister chuan ex-servicemen mi 12, 1971 indona a tel ve te hnenah chawimawina a hlan nghal a. Chungte chu:

Memento:
(a) Col. John Zama, SM (Retd)
(b) Maj. Thangkima (Retd)
(c) Capt. Hmingdailova Khiangte, IPS (Retd)

Souvenir:
(a) Hav. F Aihnuna (Retd)
(b) L/Hay Ralchhunga (Retd)
(c) Hav. Rao Lushai (Retd)
(d) Sep. Lalrinawma (Retd)

Veer Naris
(a) Pi Belsangi w/o Nb Sub (Late) Laldinliana
(b) Pi Lalsawmi w/o L/Hav. (Late) Sapchhawna
(c) Pi Biakzami w/o Sep. (Late) Lalkhuma
(d) Pi R Lalthakimi w/o Nk (Late) Lalchhuanawma
(e) Pi Zohmingliani w/o Nk (Late) Lalngaihzuala

Swarnim Vijay Mashaal (golden victory flame) hi Vairengte atangin Assam Rifles contingent in lo dawngsawngin, Bikers club ten an rawn chhawmchho bawk a ni.