2873/2024-2025

Dated Aizawl, the 6th November 2024:  Vawiin khan Mizoram Agricultural Marketing Board buatsaihin Bana Kaih Sensitization cum Consultation Meeting on Thlai Thar Market, I&PR Auditorium-ah buatsaih a ni a. Chief Minister Pu Lalduhoma chuan he hun hi a telpui.

Chief Minister chuan, MAMB in thlai thar thlan chhuah palite lei dan tur ruahmanna kimchang tak an siam avangin lawmthu a hrilh a. A hlawhtlin theih nana thil tul te chu chak takin kan umzui zel dawn a ni, a ti. Handholding hmalak chhoh dan thil dangte pawh a tarlang bawk.

Pu PC Vanlalruata, Agriculture Minister chuan thuhma a sawi hnuah Dr. KC Lalmalsawmzauva, Adviser to CM (Handholding) chuan Thlai Thar Market kalpui dan tur an ruahmannate chipchiar takin a sawifiah a, chumi hnuah kalkhawmten sawihona an nei zui a ni.

Mizoram sawrkar chuan Standard Operating Procedure for Societies in the sale of notified crops Notification te, District Agricultural Marketing Committee (DAMC) dinna Notification te leh Secondary Collection Centre SOP Notification te thla kalta October ni 28 khan a tichhuak a. District Committee te nena zirhona hi neih vek tawh a ni a, DAMC hian an district-a khaw tinah inhrilhhriatna an kalpui ve leh ang. Thlai Thar Market kaihhruaina lehkhabu pawh tihchhuah tawh a ni.

Vawiin inkhawm hi Pu Lalhmingmuana, Managing Director, Mizoram Agricultural Marketing Board (MAMB) chuan a kaihruai a ni.