2874/2024-2025

Dated Lawngtlai, 6th November 2024: Lawngtlai District Deputy Commissioner chuan tunlaia Sialsir (Amur Falcon-Falco Amurensis) Sava pêm mêk chungchangah a hnuaia mi ang hian thuchhuah a siam.

PRESS RELEASE

Tun lai hian kan rama Sialsir (Amur Falcon-Falco amurensis) pem an chawlh lai a ni a, Sialsir sava te hi sahel eichi sava te zingah chuan hriat theih china pem thui ber an ni a. Mongolia, China leh Russia ram atangin thlasik khawvawt tlansanin, South Africa-ah daih an pem thin a, Khuangchawi thla laihawl hian kan ram pawh lo thlengin an chawl hahdam thin a ni. Pawltlak thlaah chuan kan ram hi an chhuahsan fel thawkhat tawh a ngaih a ni.

Heng kan mikhual, lam hla tak a kal tur te hi, kan ram leilunga hlau lo leh thlabar loa hahdam taka an chawlh theih nana lo humhim leh chawlhna tlaka kan lo enkawl hi kan tih tur reng a ni. Kan ram ah hian sava chi hrang hrang 670 vel awm anga ngaih an ni a, chung zingah chuan thlasik laia lo pem thin te,nipui laia lo cheng thin leh pemna kalkawnga min rawn paltlang thin eng emaw zat an awm bawk a ni.

Chuvangin, Lawngtlai District chhungah ramvah leh sa pelh hi engtik lai mahin "The Wildlife Protection Act, 1972" chuan a phal lova, danin a phalloh thil te hi ti lo turin District Magistrate, Lawngtlai chuan mipuite a ngenin a hriattir a ni.

Sd
Cheemala Siva Gopal Reddy, IAS
District Magistrate
Lawngtlai District: Lawngtlai