2875/2024-2025
Aizawl, the 6th November 2024: Aizawl District Bawrhsap Er Lalhriatpuia chuan Vawk hrileng (ASF) in ziaawm lam a la pan loh avangin a hnuaia tarlan ang hian inkhuahkhirhna thupek a chhuah.
Mizoram ah African Swine Fever (ASF) leng chuan ziaawm lam a la pan thei lova. He hri laka Aizawl District mipuite kan lo him a, kan lo fimkhur zual zel nån leh hri leng zel tur vên nan vawk chungchangah inkhuahkhirhna thupêk chhuah leh a lo ngai ta a.
Chuvangin, Section 163 (1) BNSS, 2023 thlawhchhanin Aizawl District huam chhunga vawk vulhtute leh vawk hmanga eizawngte zawm turin a hnuaia mi ang hian thupêk tih chhuah a ni.
1) Aizawl District chhungah ram dang (foreign) atanga vawk, vawksa leh vawksa atanga siam eitur chi reng reng lâk luh khap tlat a ni.
2) State dang leh district dang atangin vawk, vawksa leh vawksa atanga siam eitur reng reng låkluh khap tlat a ni.
3) Vawk damlo reng reng talh leh hralh khap tlat a ni. Vawk damlo chu dah hran vat tur a ni. Vawk thi reng reng, bawlhhlawh paihna hmunah leh lui kawr remchangah paih mai mai loh tur a ni. Vawk thi reng reng thûk taka (4 feet tal) phum bo tur a ni. Chumi hnuah chinai kg. 2 vel talin phul tur a ni. Vawk in leh a vel pawh disinfect vek tur a ni. 4) Vawk damlo leh thi an awmin AH & Vety Department Official-te hnenah hriattir vat tur a ni. Ti lo an awm a nih chuan action lak a ni ang.
5) Aizawl District chhung khua leh khua emaw, veng leh veng emaw-a vawk inlåkpawh tawn tur reng reng ah vawk hrisel tha chauh lak tur a ni. 'Infected Area'-a puante atangin vawk låk luh leh lâk chhuah khap tlat a ni.
6) Aizawl Khawpui chhungah pawh, khua leh khua inkarah leh veng leh veng inkara vawk lakluh reng reng ah Disaster Management Act hnuaia ruat bialtu Zonal Officer theuh te an hriattir hmasa tur a ni.
He thupêk hi tỉh danglam a nih loh chuan thla hnih (2 months) chhung a huam anga, zâwm lo te chu Section 223 BNS dân hmanga hrem an ni ang.
