2876/2024-2025

Kolasib the 6th November 2024:  Kolasib Deputy Commissioner Pu Robert C. Lalhmangaiha kaihhruaina hnuaiah vawiin khan Kolasib DC Conference Hall-ah District Agriculture Marketing Committee (DAMC) thutkhawmna neih a ni.

He hunah hian Mizoram Sawrkar Flagship Programme ‘Bana Kaih’ hnuaia Thlaithar thlan - Aieng, Hmarcha, Sawhthing leh Hmunphiahte hralhchhuahna buaipui tura din District Agriculture Marketing Committee (DAMC) mawhphurhna leh hmachhawp hrang hrang sawi ho a ni a. Kolasib DC Pu Robert C. Lalhmangaiha chuan Loneitute hmasawnna tur leh Mizoramin ei leh bar tharchhuahna kawnga rahbi thar a zawhna tura DAMC Committee neih a ni thei chu a lawmawm a tih thu a sawi a. Mizoram Sawrkarin Bana Kaih Scheme hnuaia Loneitute a chawikanna kawngah  Allied Department-te theihtawp chhuah turin a ngen nghal bawk.

Kolasiba DAMC thutkhawmna ah hian thurel hrang hrang neih niin thlai thar lakhawmtu tur Farmers Producer Organisation (FPO) leh multipurpose societies thlan chungchang te sawi hovin heng list te hi a nodal Department ten a list lo ennawn tha se chu chu pawm ni se tia rel a ni. Heng bakah hian Sawrkar hnuaia hamthatna awmte loneitute leh mipui tam zawk beng a thlen theih dan tur leh zirtirna tulte pek dan tur ngaihtuah a ni bawk.  Loneituten an thlai thar chhuahna hmun atanga an dahkhawm lailawkna hmun Primary Collection Centre tur te, Primary Collection Centre atanga a leitu turte nen an in tawhkhawmna tur Secondary Collection Centre hmunhma turte sawi hona neih a nih bakah DAMC Joint Account siam dan tur chungchang ngaihtuah a ni a. ‘Bana Kaih Scheme’ hnuaia mipuite’n harsatna an tawhte sutkianna tur Grievances Redressal Mechanism din dan tur chungchang he hunah sawihona neih a ni bawk.

Vawiin a thutkhawmna ahhian Kolasib a DAMC members te kim takin an kalkhawm a ni.