2877/2024-2025

Dated: Mamit the 6th of November,2024 : Vawiin khan NITI Aayog in Aspirational District, Mamit tan bika hman tur Jal Utsav Programme “A Fortnight of Celebrating Water” khuhhawnna chu Gov't Mamit College-ah hman a ni.

He hun kaihruaitu Pi Carolyn L.B Khiangte, Addl DC chuan tui pawimawhna leh hlutna inzirtir tharna kawngah hmasawnna kan neih theih nan Jal Utsav programme chu Ni 6th - 20th November, 2024 thleng kalpui a nih tur thusawiin he hun chhung hian tui tangkaina leh humhalhna kawnga hmalakna hrang hrang sorkar Line Department kaltlanga kalpui a nih dawn thu a sawi a. Kawrthah, W.Phaileng leh Zawlnuamah te pawh Medical Department te nen thawk hoin hmalakna kalpui a nih dawn thu a sawi. Zirlai naupangte chu nakinah kan ram tana mi pawimawh tak takte an nih dawn avangin tun atanga kan tui humhalh tulzia leh pawimawhzia kan hriat a tul hle a ni a ti bawk.

Shri Himanshu Dev, AD/BP, Niti Aayog pawhin thusawiin Jal Utsav programme hawnna hmang tura kalkhawmte chungah lawmthu a sawi a, Aspirational District, Mamit-in hmalakna a kalpuina kawngah tha thlahlo a, theihtawp chhuah tur leh Line Department zawng zawngte pawhin Jal Utsav hnuaia an hmalakna a that thu sawiin, hmalakna tur awm ang angah theihtawp chhuah chhunzawm turin a sawm a, tui chu mitin tan nunna a nih angin renchem leh humhalhna kawngah pawh kan tanrual a tul hle a, Jal Utsav programme hnuaia hmalakna Ni 6th - 20th November chhunga theihtawpchhuah thar leh theuh turin a chah a ni.

He hunah hian Line Department hrang hrang DRDO, PHED, Agriculture, Horticulture leh Soil & Water Conservation Department atangin tuihna humhalhna kawnga department in hma an lo lak tawhna hrang hrangte an tarlang a ni.

Pi Grace Lalremdiki, SDC  kaihruaina-in Jal Utsav pledge chhiarrualna neih a ni a, Pi Helen Saibuangi, Sr. Executive Emgineer, PHED in lawmthu sawina hun a hmang bawk.