No.7069/2020-2021

Zoram Medical College Governing Council chuan vawiin khan an Chief Minister Pu Zoramthanga kaihhruaina hnuaiah ZMC inrelbawlna a ngaihtuah tur pawimawh hrang hrangte ngaihtuahin CM conference hall-ah an thukhawm.

ZMC Governing Council thukhawm chuan ZMC a thawktu lakna inkaihhruina recruitment rules siam chungchang leh post siam belh ngai te sawiho a ni a. ZMC zauh belhna tur leh Medical Council of India Inspection hmachhawn mek thlir chunga post hnawhkhat tura phalna pek chungchang te sawiho a ni bawk.

Vawiin meeting-ah hian Deputy Chief Minister Pu Tawnluia, Minister of H&FW and H&TE Dr. R. Lalthangliana, Health & Family Welfare Board Vice-chairman Dr. Z.R. Thiamsanga, Aizawl South-III bialtu MLA Dr. F. Lalnunmawia bakah Chief Secretary,  Additional Chief Secretary leh member dangte an tel a ni.