No.7070/2020-2021

Vawiin khan DC Conference Hall, Mamit-ah Dr. Lalrozama, IAS Chairman, District Screening Committee on PMAY - HFA ( Urban)/District Bawrhsap hovin thutkhawm a ni.

Meeting kaihruaitu Dr. Lalrozama chuan Mamit District chhunga PMAY - HFA (Urban) hnuaia in sak tanpuina diltute chu State Level Sanctioning and Monitoring Committee (SLSMC) leh 52nd Central Sanctioning- cum Monitoring Committee (CSMC) meeting-a chhawpchhuah leh tur atan District atanga lutte thlirho a tul avanga meeting a nih thu a sawi. 

Vawiin meeting-ah hian Mamit District chhunga PMAY (U)-HFA hnuaia in sak tanpuina dilna lutte thlirho a ni a, Lengpui Town atanga 2nd Dpr tur dilna lut 227 te chu State Level-a kal tura pawm a ni a. Mamit khawpui chhunga 1st leh 2nd Dpr leh Zawlnuam Dpr siamthat leh  curtailment tih ngaite State Level Screening Committee-a chhawp tura pawm a ni bawk. 

Pu Hmingthianghlima, Civil Engineer, HFA, DUDO chuan PMAY- HFA ( urban) hnuaia in sak tanpuina dilna lut zingah Application-in a phut anga Document lut zingah MIS ( Management Information System) in a hmuh theih loh te chuan tanpuina an dawn theih dawn loh thu a sawi a, MIS in a hmuh theihloh chhanah hian tanpuina lo dil tawh leh an chhungte pawh nise Aadhar link atangin khawlin a pawm theih loh thu a sawi.

Vawiin meeting hian Mamit khawpui chhunga in sak tanpuina diltute zingah, in sakna hmun tur an nei em tih leh zirchian ngai dangte a remchan dan angin Jt V/C leh Department tangrualin lo zirchiang se tih a ni. 

Meeting-ah District Screening Committee members-te an tel tha hle a ni.

Attachment

  • Loading attachment...