5th IR Bn ami tur 62nd Batch Recruit Constables Passing Out Parade, vawiina 3rd Bn MAP HQ, Mualpui, Aizawla neih chu Chief Minister Pu Lal Thanhawla chuan a hmanpui.
Chief Minister chuan police constables passed tharte chu a tha thlan chhuah an nih angin, mahni inthununna leh zahawmna te ngaipawimawha an hriselna uluk tura chahin, chumi nei thei tur chuan zuk leh hmuamah an fihlim tur a ni a ti a. Uniform ha chunga duhdah taka thut mai mai te a mawilo a ni tiin, kan aia upa zawkte leh lal zawkte chu zahna chang hriaa, chawimawi thin turin police ni thar te chu a chah a.Hetiang kan tih hian mahni kan inchawimawi a ni a ti.
Pu Hawla chuan constables tharte chu an hnathawhna theuhah taimakna leh rinawmna vawng nung reng tura chahin, sorkarin a dahna apiangah phur taka zawm mai thin turin a chah a. Police te chu mipui thlavang hauhtu leh chhantu an ni tih englai pawha hre reng turin a fuih a. Mizoram hi ramdang tena min karcheh a nih avangin hel lakah leh ramdang ina a tanpui, firfiak pawl thenkhat ten min tihchhiat an tumna lakah kan invenhima kan dolet theihna turin taima taka englaipawha kan inrin reng a tul a ni a ti a. Hemi chungchang hi Union Home Minister pawhin a ngaihpawimawh thu a rawn hrilh tih Chief Minister chuan a sawi bawk a. Chuvangin kan ram a ralmuan avang ngawtin kan inthlahdah a thianglo a ni a ti a. Home Minister Pu R.Lalzirliana hmalakna avangin kan police kut te tihchak a ni a, hel leh silai tawlhruk tum te pawh man chhuah thuai anih zel thu Pu Lal Thanhawla chuan a sawi bawk a ni. Kan ram ralmuanga siam theitu chu vawiina police passed chhuak tharte hi in ni a, kan rinchhan turte in ni tiin an hnathawhna zel torah duhsakna a hlan a ni.
62nd Batch Recruit Constables te hi 5th IR Battalion ami turte an ni a. Training hi Police Training Centres hrang hrang pali (4) ah neih a ni a. Vawiina Mualpui atanga passed chhuak zawng zawngte hi 213 an ni.
Passing Out Parade neihna ah hian Chief Minister nupui Pi Lal Riliani bakah Home Minister Pu R Lalzirliana, Dy Speaker, Parliamentary Secretary leh MLA thenkhatte leh Police Senior Officers te an tel a. Mipui lam pawh an kal thahnem hle a ni.
Pu Hawla chuan constables tharte chu an hnathawhna theuhah taimakna leh rinawmna vawng nung reng tura chahin, sorkarin a dahna apiangah phur taka zawm mai thin turin a chah a. Police te chu mipui thlavang hauhtu leh chhantu an ni tih englai pawha hre reng turin a fuih a. Mizoram hi ramdang tena min karcheh a nih avangin hel lakah leh ramdang ina a tanpui, firfiak pawl thenkhat ten min tihchhiat an tumna lakah kan invenhima kan dolet theihna turin taima taka englaipawha kan inrin reng a tul a ni a ti a. Hemi chungchang hi Union Home Minister pawhin a ngaihpawimawh thu a rawn hrilh tih Chief Minister chuan a sawi bawk a. Chuvangin kan ram a ralmuan avang ngawtin kan inthlahdah a thianglo a ni a ti a. Home Minister Pu R.Lalzirliana hmalakna avangin kan police kut te tihchak a ni a, hel leh silai tawlhruk tum te pawh man chhuah thuai anih zel thu Pu Lal Thanhawla chuan a sawi bawk a ni. Kan ram ralmuanga siam theitu chu vawiina police passed chhuak tharte hi in ni a, kan rinchhan turte in ni tiin an hnathawhna zel torah duhsakna a hlan a ni.
62nd Batch Recruit Constables te hi 5th IR Battalion ami turte an ni a. Training hi Police Training Centres hrang hrang pali (4) ah neih a ni a. Vawiina Mualpui atanga passed chhuak zawng zawngte hi 213 an ni.
Passing Out Parade neihna ah hian Chief Minister nupui Pi Lal Riliani bakah Home Minister Pu R Lalzirliana, Dy Speaker, Parliamentary Secretary leh MLA thenkhatte leh Police Senior Officers te an tel a. Mipui lam pawh an kal thahnem hle a ni.
Attachment
- Loading attachment...
