No.756/2021-2022


31.5.2021: Chief Minister Pu Zoramthanga chuan COVID-19 hrileng avanga harsatna tawk leh, inkharkhipa avanga eizawnna kawnga harsatna tawkte puih nan kawng hrang hrangin hma a la a. Covid 19 ral hmatawngte mamawh PPE kit thui hna chu ZOHANDCO nen tangkawpin mi themthiamte tan eizawnna kawng ni pah fawmin ruahmanna a siam bawk a ni.

Chief Minister Pu Zoramthanga chuan COVID-19 hrileng avanga a bial Aizawl East -I chhunga harsatna tawk hrang hrangte hnenah tanpuina sumfai a hlan a ni. East-I North Block chhunga veng tinte tan mamawh chi hrang hrang, buhfai, mask, sanitizer, disinfectant leh Task Force ten a tul a an hman atan sum leh pai a pe a. Sihphir Venghlunah Community Covid Care Centre (4C) dinna atana tul leh senso, hmanraw hrang hrang, damdawi atanga oxygen concentrator thlengin a ngaihtuahsak a. Aizawl East-I South Block a lirthei a eizawng te - Zemabawk Taxi Welfare Welfare, Thuampui Taxi Welfare, Falkland Taxi Welfare, East-I lirtheia eizawng pawl leh Zemabawk Autorickshow Owner Association te hnenah puihna sum fai engemawzat a pe bawk. Heng bakah hian chhungkaw harsa engemawzat hnenah puihna sum a hlan bawk a ni

Chief Minister ruahmanna in Mizoram hmun hrang hranga mi themthiam, puan thui thiamte tan inhlawhfakna ni pah fawmin ZOHANDCO nen tangkawpin frontline worker te mamawh PPE kit thui turin ruahmanna a siam bawk a ni. Heng PPE kit te hi H&FW Department leh ZMC atangin an endik hnu ah hman a ni. 

Attachment

  • Loading attachment...