1261/2026-2027

Aizawl, July, 2nd, 2026: Vawiin khan Chief Minister Pu Lalduhoma chuan CM Conference Hall-ah Anti-Corruption Bureau (ACB), Mizoram Annual Report hmasaber, ACB Annual Report 2025-26 a tlangzarh.

Chief Minister chuan, ACB in Annual Report a vawi khatna atana a buatsaih thei hi a lawmawm a, he Annual Report hian sorkar hnathawkten rinawm leh dik taka an mawhphurhna an hlen a pawimawh zia te, sum leh pai enkawlnaah dik taka thil tih a tulzia te min hrilh thar dawn a ni. Corruption hi rorelna tha siamna daltu leh ram hmasawnna tichhetu a ni a. Corruption do hi agency pakhat mawhphurhna chauh ni lovin, mipui zawng zawng leh sawrkar hnathawk zawng zawngte mawhphurhna a ni zawk tih kan hriat tlan a ngai, a ti. Hlemhletna do tura hmalakna chak tak neih a tul avangin sorkar chuan ACB leh Mizoram Lokayukta te chu a thuamchak a. A thawktute pawh lo intuaihriam zel turin kan beisei a ni, a ti.

Kum 2025-2026 chhung khan ACB Mizoram chuan eirukna kaihhnawihah Complaint chi hrang hrang 17 a dawng a. Chung zinga 15 ah te chuan Preliminary Enquiry neiin regular case 6 a ziaklut a. Kum 2025-2026 chhung khan Preliminary Enquiry hrim hrim hi (kum hmasa lama mite pawh telin) 14 an ti zo a, Regular Case 7 an chingfel hman a. Tin, kum 16 chhung (2010-2026) khan ACB Mizoramin Corruption Case chi hrang hrang 35-a Chargesheet atangin corruption-a inhnamhnawih mi 112 lai chu Special Court, PC Act chuan thiamloh chantirin hremna a pe a ni.

ACB Annual Report tlangzarh inkhawm hi Pu J. Lalthafamkima, IPS, Director, ACB chuan a kaihruai a, inlawmna thu a sawi nghal a. Dr. Y.L.N. Reddy, IAS, Secretary, Vigilance Department-in keynote address a sawi a, Pu Lalbiakkila, MPS, SP ACB chuan lawmthu sawiin hun a khar a ni.