Chief Minister-in Lunglei khawpui bula Kawmzawl-ah Mizoram Sorkar-in Airport siamna tura ruamanna kal mek chu a hmunah vawiin khan a tlawh. He hmun airport a siam tur hi Wg. Comdr. (Rtd.) Lalzawma, Principal Consultant, Civil Aviation, Govt. of Mizoram leh Pu Liansanga, E-in-C, PWD ten an tawiawm.
Chief Minister chuan Lunglei lamah thlawhna tum hmun hi awm ve ngei se an sorkar-in a duh avanga helai hmun hi lo en thli thlai a nih thu a sawi a. Airport siam hian kum 4/5 vel duh tur thu leh tuna ruahman ang chuan thlawhna te chi mi 9 phur thei CESSNA CARAVAN 208 B emaw a aia lian mi 18 phur thei DORNIER tum theihna tura siam tum a ni a ti a. Hei hi harsa vak lo tura ngaih a nih thu a sawi a. Amaherawh chu helai Kawmzawl hmun hi tuna Helipad a hman lai niin 14 Assam Rifles in an ta chei deuh avangin thuneitu sang zawkte nena la in biak rem a ngaih tur thu Chief Minister chuan a sawi bawk a ni.
A sawi zelna ah Pu Hawla chuan hun rei vak lo ah Mizoram chhunga Helicopter service tir tum a nih thu a sawi bawk a. Hemi atan hian quotation pawh chhuah tawh a nih thu a sawi bawk. Kawmzawl Airport tur bakah hian Lunglei khaw bulhnai tho Saitluk-a Airport changtlung taka siam tum anih thu a sawi bawk a. Hei hi February thla chhunga Principal Consultant, Civil Aviation leh mithiam dang ten an la thlithlai tur thu a sawilang bawk a ni. Chief Minister hi Minister for I & PR Pu Zodintluanga, Minister for State for LAD Pu P.C. Lalthanliana leh High Power Committee, Lunglei Vice Chairman Pu Joseph Lalhimpuia ten an tawiawm a ni.
A sawi zelna ah Pu Hawla chuan hun rei vak lo ah Mizoram chhunga Helicopter service tir tum a nih thu a sawi bawk a. Hemi atan hian quotation pawh chhuah tawh a nih thu a sawi bawk. Kawmzawl Airport tur bakah hian Lunglei khaw bulhnai tho Saitluk-a Airport changtlung taka siam tum anih thu a sawi bawk a. Hei hi February thla chhunga Principal Consultant, Civil Aviation leh mithiam dang ten an la thlithlai tur thu a sawilang bawk a ni. Chief Minister hi Minister for I & PR Pu Zodintluanga, Minister for State for LAD Pu P.C. Lalthanliana leh High Power Committee, Lunglei Vice Chairman Pu Joseph Lalhimpuia ten an tawiawm a ni.
