3327/2023-2024

Dated Aizawl, the 12th January, 2024: Vawiin khan Chief Minister Pu Lalduhoma chuan a pisaah All Mizoram Elected Women Representatives hruaitute a kawm.

Chief Minister hian Mizorama hmeichhiate venhimna lam thil pawimawh te, engemaw case bika sawi duh an neih te chu inthlahrung lova hrilh hre thin turin a ngen a. An pawl kal zelna turah duhsakna a hlan a ni.

All Mizoram Women Elected Representatives hruaitute hian Chief Minister hi lawmpuina an hlan a, Mizorama a hmasa ber ni tura Pi Lalrinpuii, Cabinet Minister-a a dah avangin lawmthu an sawi a ni. Tuna MLA ni mek Pi Lalrinpuii leh Pi Baryl Vanneihsangi te an pawlah tha takin an inhmang a, kan tangkaipui hle a thin. Chief Minister in hmeichhiate hamthatna lam hawi thu tha tak tak i sawite hian kan thla a timuang hle a ni, an ti bawk.

An pawl President Pi R. Zomuanpuii, General Secretary Pi Vanlalrengpuii leh an Executive Member Pi Lalremsangi Fanai ten Chief Minister hi an hmu a. An pawlah hian elected representatives lo ni tawh thin mi hmeichhia 1600 vel member an awm mek niin an sawi.