3328/2023-2024

Dated Aizawl, the 12th January, 2024: Vawiin khan Chief Minister Pu Lalduhoma chu a pisaah Major General VK Nambiar, YSM, SM, Inspector General, AR (East) chuan a hmu a. Lawmpuina hlanin thil pawimawh hrang hrang te an sawi dun.

Major General hian kum thar chibai bukin duhsakna a hlan a. Assam Rifle in Mizoram leh India hmarchhaka hmalakna an kalpui tlangpuite hrilhin, Assam Rifles chuan Mizote thian tha ni zel turin kawng tam takah hma kan la ve a ni, a ti. Zokhawsanga AR ten anmahni senso liau liauva an din school tlawh tura sawmin, Chhingchhip Sainik School in mamawh an neih te pawh a thlen a ni.

Chief Minister chuan, Mizoram chu international ramri karcheha awm kan ni a. Tunah pawh ruihhlo leh dan lova kuva ro tawlh a nasa em em a ni. Heng thil tha lo kal thin te hi tihtawp hmiah kan tum a, nangni pawhin nasa takin in thawk tih ka hria, lawmthu ka sawi a. Theihtawp lo chhuah chhunzawm turin ka ngen che u a ni, a ti a. Zokhawsanga in school pawh rawn tlawh ka tum ang, a ti bawk. Chhingchhip Sainik School -a state sawrkar atanga mamawh an neih te chu ziaka a hnena thlen turin a hrilh a ni.

Major General hi Brigadier Girish Upadhya, SM, VSM, DIG, 23 sector, AR leh midangten an tawiawm a ni.