3372/2023-2024

Dated Aizawl, the 17th January, 2024: Vawiin khan Chief Minister Pu Lalduhoma chuan a office-ah All Mizoram Farmers' Union, (AMFU) General Headquarters, Aizawl hruaitute a kawm a. An hmalak mekna te a sawipui.

Chief Minister hian kuthnathawktute chu kan ngaihpawimawh te an ni a. Chutihlaiin hlawhtlin tum lova tanpuina sum chauh duh te erawh chu kan ngaithei vak lo thung ang. Tunah tak hi chuan kan policy te kalpui turin budget thar pawh kan la nei lova, kan hriatthiam vek ka ring a, kan nghah hram hram a tul a ni, tiin sawrkar dinhmun a lo hrilh a ni.

Tunah hian AMFU hian Tree borne Oil Scheme hnuaiah Agriculture Department nena tangkawpin Tung chingtu chhungkaw 524 an enkawl mek a, kuminah chhungkaw 700 vel tihbelh leh an rilruk a niin an sawi. Tung kara chin tur thlai pawh an dap mek bawk. Tung rah hi tunah hian kg 1 ah Rs. 54 in hralhna a awm reng a ni, an ti.