3371/2023-2024

Aizawl 17th January, 2024 : Pu C. Lalsawivunga, AH & Vety Minister chuan Royale Lalawi Hotel Conference Hall, Khatla-a Department of Health & Family Welfare Mizoram buatsaih nihnih awh tur Workshop, Finalization of State Action Plan and Development of District Action Plan for Eliminating Dog Mediated Rabies by 2030 for the State of Mizoram chu khuallian niin a hmanpui.

Khuallian Minister chuan Rabies natna umbo nana Action Plan Workshop buatsaihah khuallian a ni chu lawmawm a tih thu sawiin kan ranvulh, a bik takin mihringin kan chenpui nasat ui chu kan venhim that a, vaccine laktir lamah pawh tan kan lak a tul thu a sawi a. Ui mai bakah ran hran hran pawh natna laka venhimna vaccination theihtawpchhuaha pek chu kan tihmakmawh a nih thu a sawi a. AH & Vety Department chuan theihtawpchhuaha kan ranvulhte natna laka venhim chu kan Priority a ni tur a ni tiin ui seh avanga Rabies thihpui kan awm thin chu pawi a tih thu sawiin Kum 2030 ral hma ngeia umbo a nih theih nana theihtawpchhuah turin kalkhawmte chu a chah a ni.

He huna Khualzahawm Pi Zarzokimi, MCS, Jt. Secretary, UD&PA & DM&R chuan Aizawl Municipal Corporation leh Lunglei Municipal Council leh District Office kaltlangin Kum 2030 ral hma-a Rabies natna um bo a nih ngei theih nan an department enkawl kaltlangin dan leh hrai mumal tak siama hnathawh an tum thu a sawi.

He hunah hian Dr. Tushar Nale, Dy. Director, Centre of One Health, NCDC MoHFW chuan National Centre for Disease Control (NCDC) chungchang sawifiahin Dr. Debalina Mitra, Asst. Commissioner, DAHD, MoFAHD chuan Department of Animal Husbandry and Dairying (DAHD) chungchang a sawifiah a. Dr. Chiranjeev Bhattacharya, National Programme Manager- HSS, UNDP chuan United Nations Development Programme (UNDP) chungchang sawifiahna a nei bawk.

Dr. Pachuau Lalmalsawma, SNO, NRCP Mizoram chuan "Rabies towards Elimination in Mizoram - The Present status" tih thupui hmangin hun a hman bakah he hunah hian NCDC leh UNDP chungchangah Group Discussion neihho a ni.

He hunah hian Dr. Pachuau Lalmalsawma, SNO, NRCP chuan kalkhawmte lawmna thu sawiin Dr. Rebecca Lalmuanpuii, State Veterinary Consultant, NHM chuan lawmthu a sawi bawk. Naktuk lam hian thupui thlanchhuah hrang hrang zirhoin Workshop hi neih chhunzawm leh tur a ni.

Vawiin Workshop-ah hian AH & Vety dept. Veterinary Officers, Integrated Disease Surveillance Program (ISDP) hnuaia thawktute leh ZMC Officials bakah Jhapiego aiawhte an tel a ni.