Chief Minister Pu Lal Thanhawla chuan  Mizoram Bamboo Day hmasa ber hman mek denchhena Bamboo Seminar cum Interactive Meet on Bamboo Technology, Livelihood, Export Potential & Prospects buatsaih chu vawiin khan Aijal Club Reception Hall-ah a hawng.

 Chief Minister chuan Mizoram Bamboo Day kan hmanna hmasa ber denchhena hetiang seminar buatsaih a ni chu a inhmeh hle a ni a ti a. Mau leh rua te hi India hmarchhak state te tana hmanrua pawimawh tak leh a hlutzia chungchangte mithiam sawm bikte kaihhruaina hnuaia sawihona kan nei thei tur hi a ropui hle a ni a ti.

 Chief Minister chuan India ramah hmarchhak state te hian mau leh rua ngah ber kan ni a; Mizoram bikah chuan a ram luah chin 44% hi mau hmun a ni a ti a. Amaherawhchu a hlawkna tel lamah anih tur ang kan la pha lo hle a ni tiin, kan thenawm state Assam, Tripura, Meghalaya leh Nagaland te chu kan umphak lo hle a ni a ti. Mizote hian mau hmunte vat in lo ahkansiama, a chawrno mautuai chu khawrh lehin eiahkanhmang leh mai a. A hlawk zawka hman tangkai a  nih theih nan tihtakzetakanzira, rinawmna leh taimakna nen hmakanlak hi a ngai a ni a ti. Chief Minister chuan mau a tam avang leh kan ram chhung ngeia mau hlutna belh a, a hlawkna kan tel hmasak phawt theih nan renchem taka kalpuiin, mahalte pawh tih tawp rih a nih thu a sawi a. Hemi lama mithahnemngai ten mau sawngbawlna khawl hrang hrang, Bamboo Mat Ply siamnate leh Agarbati kuang siamna te an rawn din hi a lawmawm hle a ni a ti. Chief Minister chuan National Bamboo Mission avangte hian mau hmangin a hausak theih a ni tih kan rawn hre chho ve ta zel a, Mizoram sorkar pawhin khawvela thawnchhuah tlak bamboo panels leh board te siam turin venus bamboo nen a inremsiam a ni a ti.

 Seminara khualzahawm Pu S.Hiato, Industry Minister leh Pu H.Rohluna, E&F Minister te pawhin thusawina an nei a. Inkhawm Chairman Pu Van Hela Pachuau, Chief Secretary chuan industry lem nilo, a tak taka din industry tak a din ang u tiin, tun tuma mi hi bul tanna tur chauh a ni a ti. Pu R.L.Rinawma, Principal Secretary, Industries pawhin lawmna thu a sawiah, mau hikansawi tam ang aiin a hman tangkaina leh hlutnakanla uar tawklo a ni a ti.

 Mizoram Bamboo Day lawmna atan hian Bamboo Exhibition cum sales pawh Assembly Secretariat Annexe ah buatsaih chu Chief Minister hian Seminar neih hma hian a tlawh a. He Exhibitionah hian stall 20 bakah Mizoram pawn atangin Sikkim Bamboo Mission leh Nagaland Bamboo Development Agency ten stall an hawng bawk a ni.

Industries Department leh Environment & Forests Department buatsaih, Seminar ah hian Mizoram pawn lam atangin mithiam sawmbikte an lo tel bawk a ni.