Vawiin chhun dar 12:00 khan Aijal Club-ah NLUP atanga Auto-Rickshaw leh Agarbati siamna khawl chu Chief Minister Pu Lal Thanhawla’n dawngturte hnen ah hlan.

Pu Lal Thanhawla chuan kalkhawm te hma ah thu sawiin, an hun hmasa ah NLUP Rs. 30,000/- in an sem a, hun a lo kal chhoh zelah Rs. 1,00,000/- ai a temlovin kan sem ang a tih leh thu chu thenkhatin an awih a then khatin an awih lo a, mahse kalpui chhoh anih zelah, Prime Minister ten tha an ti a, Kan dil bak, hnathawh nan motor leh thil dang lei nan min pek belh a, mi rethei te chanvo atangin pawh hek a awmlo a ti.

NLUP hmasa ah tumah thliar biklo in pawisa kan sem a, tenkhat chuan an hmang dik lova, chuvangchuan hlawhchham engemawzat an awm laiin, mi tha hnem tak vawiin ni a, mi awm thei tak tak an awm ta a ni, tiin Pu Hawla chuan a sawi bawk. Sorkar Department atana hman mai, itawm khawp sum NLUP ah a luh thu sawiin, hengte hi it hle mah i la an hmang dawn lo, mi rethei te tan a sum dah hi hman thiang a nilo, lo it a, lo hmangru an awm pawhin dim an ni dawn lo tih Chief Minister chuan a tarlang bawk a, rinawmna leh taimakna nen a dawngtuten an hman chuan hlawhtlinna a awm thei dawn a, an hmang diklo a nih chuan, an ni pawh hrem an ngai ang tih Chief Minister chuan a sawi bawk.

Pu. H. Liansailova, Nodal Minister of NLUP pawhin thu sawiin, Agarbati Stick siamna khawl hi Mizo-pa thluak atanga ngaihtuah chhuah a nih thu sawiin, Auto Rickshaw pawh a dan ang thlapa lei a ngaih avangin duh anga an hman hmawh theihloh thu a sawi bawk.

Tun tunmah hian Auto-rickshaw hi 21sem chhuah a  ni a, Aizawl District ah 6, Lunglei District ah 9, Lawngtlai District ah 5 leh Champhai District ah 1 niin, a hma in 38 sem chhuah a ni tawh a, sem leh tur 10 a la awm bawk a ni.

Agarbati Stick making machine hi PB Machinery Industry te kut chhuak ni in, Mizo-pa thluak hmang a siam a ni a, March 9-15 chhung he khawl hi India ram state dangte enturin Rajtrapati Bhawan(India President In) ah pholan leh belhchian a ni dawn. A dawngtute tan M/s LZ Bamboo Industry chuan mau tansa lei sak tura tih an ni a, hei hian a dawng tute chuan Agarbati Stick siamin M/s LZ Bamboo Industry ten kg 1-ah Rs.20/- in an lei let leh dawn a ni tih puan a ni.

A tawpna lawmthu sawina Pu S. Hiato, Minister of Indutry chuan neiin, NLUP sem thei dawn em? tih a tanga  sem tlem lutuk tih zawh ah cheng nuai a tlinglo tih chu Auto Rickshaw  sem cheng nuai chuang man hian a hrilhfiah ta hi lawmawn ti in a sawi.