281/2025-2026

Aizawl, the 23rd April 2025: Vawiin khan Chief Minister Pu Lalduhoma chuan a office ah Dr. Ranbir Singh, Brahmaputra Board Chairman chu a kawm a. Mizorama an hmalaknate a sawipui.

Pu Lalduhoma hian, Board-in an mamawh an sawi te chu a theih anga a lo ngaihvensak tur thu a hrilh a. Central sawrkar Flood Bank Management fund kan hmuh ve theih nan, a tul angin dan te pawh siam kan tum ang a. Kan lui leh tuihna venhimna lam hna te, kan leilung luangral zel tur venna lama hma in laknaah te thawhpui tur che uin kan inpeih reng a ni, a ti.

Dr. Ranbir Singh  hian Brahmaputra Board chu kum 1982 a central sawrkarin a din tawh, India hmarchhaka luite venhim hna te, leilung luangral ven hna te, tuihna leh lui kaihhnawih thil tul te zirchianga hma la tura din a ni a. Mizoramah regional office, Zemabawkah mimal in luahin kan nei mek tiin an hmalakna tlangpui a sawifiah a. Tun hnaia nasa leh zuala hmalakna kalpui an tum dan te pawh a hrilh a ni.

Dr. Ranbir Singh  hi Er. Lalrothanga, Secretary, Irrigation & Water Resources Department leh Brahmaputra Board officials ten an tawiawm a ni.