Mizoram Chief Minister Pu Lal Thanhawla chuan Mizoram in buhfaia harsatna a tawh mek chu Central sorkarah thlenin, nimin khan a sutkian dan tur an sawiho a ni.

Central sorkar aiawh hian Cabinet Secretary in a hova, Secretary pawimawh zual bik, Defence, Home leh Petroleum atangte leh Chairman, Central Railway Board, Director General CRPF leh Intelligence Bureau Director te meetingah hian an tel a. Pu Lal Thanhawla chuan Mizoramah buhfai a thleng ngei a ni tih mit ngeia rawn hmu turin central sorkar chu a ngen a. Chumi bawhzui nghal chuan vawiin lamah hian Special Secretary, Home leh a team chuan Guwahati an pan nghal a ni. Hel hovin rel tlan lai an lo kah thin chungchangah naktuk khian Halflong an pan leh nghal bawk ang. Chief Minister chuan buhfaia kan harsatna chu chinfel ngei anih a beisei thu a sawi bawk a ni.