Vawiin chawhma dar 10:00 khan Environment & Forests Minister Pu H. Rohluna chuan PCCF Conference Hall-ah E&F Department officers leh Aizawl pawna awm Divisional Forest Officer te a kawm.

Minister chuan Forest Department-a hnathawk te inkarah leh Department leh mipuite inkarah thawhona tha neih a pawimawh a ni tiin aikal lak phal a nih loh thu a sawi bawk. Mautam kum a liam chiah avangin mautuai leh rawtuai kharhtute ven ngun leh zual a ngaih thu te, sangha hrai tute leh sapel thin tute chu dim miah lo turin a hrilh a. NLUP hmangin ramngaw siam thar tum anih thu tarlangin Minister chuan Green Mizoram Day lo thleng turah pawh NGO leh mipuite nen tangrualin he Ni hi ngai pawimawha uar leh zuala thingphun tura tan lak a tul thu a sawilang bawk a ni.