Pu John Rotluangliana, MLA, Deputy Speaker chuan ni thum Dt. 19-21/Jan/2010 chhung hian a bial chhung khaw hrang hrang, Mamit, Nalzawl N, Sabual, Phaizau leh Dampui te a tlawh a, khawtinah mipuiten an lo lawm hle a ni.
Khawtina amah lo hmuaktute hma ah Pu John-a Deputy Speaker chuan thu sawiin NLUP sem hi hnathawh bul tanna tur a ni a tiin chhungtin tapchhak zawl thlengphak tur a buatsaih a ni a, hetiang ang mitin thleng phak eizawnna ngelnghet siamna tur scheme hi a awm leh dawn tawh loh avangin a dawngtu te in ngaihtuahna fim tak nena hlawhtlin pui ngei an tum tur a ni a ti. Deputy Speaker chuan dik lo taka hmang te chu hrem theih an nih thu tarlangin 2nd Installment pek an ni lovang a ti bawk. Trade thlan chungchang sawi langin eizawnna ngelnghet ni lem lo turte engemawzat an awm avang leh Vawk leh Ar thlang te an tam avangin ennawn leh phawt a ngai a, chuvangin January thla a sem tur anga ruahman pawh tih khawtlai hret a ngai dawn a ni a ti bawk.
Deputy Speaker hian Phaizau leh Nalzawl in sawrkar thar lawmna an neih hmanpuiin Phaizau khua mipuite inhlawhna a tan MLA Fund Rs. 60,000 (Singruk) a pe bawk a ni.
Bialtu MLA hian khaw hrang hrangin an mamawh a hnena an lo thlente a theih ang anga hmalakpui a tum thu a hrilh bawk a. Ni 20.1.2010 khan District Jail a tlawh a, luah theih mai theih a nih leh nih loh te leh luah theih tura chei ngai te khawtlang hruaitute nen an sawi ho bawk a ni. Tunah hian Superintendent Office hmeichhe awmna 15, mipa awmna 30 Staff Quarter 11 sak zawh sa a awm mek a ni.
Pu John Rotluangliana bawk hian kum 2010 KTP Conference, Mamit-a 4-7 March, 2010 a Patron a nihna in ni 19.1.2010 a DC Conference Hall, Mamit a Organising Committee in meeting a buatsaih a hmanpui bawk a, he hunah hian thu sawiin hlawhtling taka conference hman a nih theih nan Committee peng hrang hrang te taima taka thawk theuh turin a chah a ni.
Bialtu MLA, KTP General Conference Patron ni bawk hian ni 20.1.2010 khan Pandal, Mamit Field Veng a sak chu a tlawh a, Organising Committee te, khawtlang hruaitute leh Department hrang hrang hotuten tawiawmin a hmunhma leh a chhehvel ruahman dan turte a hmunah hian sawiho in hmalak tan nghal ni se tih sawiho a ni bawk.
KTP General Conference huna mitinten tui an hnianghnar theih nan tuna an tui lak Lahmun lui belhchhah turin Kurung lui lak ni se tiha Bialtu MLA hova an lo ruahman chu chak taka hmalak tura ruahman a ni a, nimin vek khan Mamit tui lak Pump House Phaizau khua a mi chu Bialtu MLA hian tlawhin chak taka hma la turin Department hotute a hrilh bawk a ni.
Deputy Speaker hi Aizawl atangin Officials leh Party hruaitute bakah Mamit-a Head of Office ten an tawiawm a ni.
Deputy Speaker hian Phaizau leh Nalzawl in sawrkar thar lawmna an neih hmanpuiin Phaizau khua mipuite inhlawhna a tan MLA Fund Rs. 60,000 (Singruk) a pe bawk a ni.
Bialtu MLA hian khaw hrang hrangin an mamawh a hnena an lo thlente a theih ang anga hmalakpui a tum thu a hrilh bawk a. Ni 20.1.2010 khan District Jail a tlawh a, luah theih mai theih a nih leh nih loh te leh luah theih tura chei ngai te khawtlang hruaitute nen an sawi ho bawk a ni. Tunah hian Superintendent Office hmeichhe awmna 15, mipa awmna 30 Staff Quarter 11 sak zawh sa a awm mek a ni.
Pu John Rotluangliana bawk hian kum 2010 KTP Conference, Mamit-a 4-7 March, 2010 a Patron a nihna in ni 19.1.2010 a DC Conference Hall, Mamit a Organising Committee in meeting a buatsaih a hmanpui bawk a, he hunah hian thu sawiin hlawhtling taka conference hman a nih theih nan Committee peng hrang hrang te taima taka thawk theuh turin a chah a ni.
Bialtu MLA, KTP General Conference Patron ni bawk hian ni 20.1.2010 khan Pandal, Mamit Field Veng a sak chu a tlawh a, Organising Committee te, khawtlang hruaitute leh Department hrang hrang hotuten tawiawmin a hmunhma leh a chhehvel ruahman dan turte a hmunah hian sawiho in hmalak tan nghal ni se tih sawiho a ni bawk.
KTP General Conference huna mitinten tui an hnianghnar theih nan tuna an tui lak Lahmun lui belhchhah turin Kurung lui lak ni se tiha Bialtu MLA hova an lo ruahman chu chak taka hmalak tura ruahman a ni a, nimin vek khan Mamit tui lak Pump House Phaizau khua a mi chu Bialtu MLA hian tlawhin chak taka hma la turin Department hotute a hrilh bawk a ni.
Deputy Speaker hi Aizawl atangin Officials leh Party hruaitute bakah Mamit-a Head of Office ten an tawiawm a ni.
