Vawiin zing dar 7:30-ah tanin Kamalanagar Field-ah Chakma Autonomous District Council Day vawi 39-na Chief Minister in a hmanpui. He programme hi Pu S.K.Chakma, Chairman, CADC-in a kaihruai a ni.

Chief Minister  Pu Lal Thanhawla chuan hmasawnna  hrang hrang te  tunhma hruaitu hmasate inpekna rah a ni a; a lawmawm takmeuh a ni a ti. India ram hruaitu hmasa a bikin Pi Indira Gandhi-te duhsaknain Mizoram chu UT niin, UT atangin State Sorkarah hlankai a ni a; chumi rual chuan CADC-te pawh District Council ruahman nghal a ni a. District Council hian a huam chhung ti hmasawn tura lungrual taka hnathawka, sorkar tawiawm turin a chah.

Chief Minister bakah hian Pu N.K.Chakma,  Minister of State, Pu John Rotluangliana, Dy.  Speaker leh K.K.Tongya, CM, CADC-te pawhin thusawina an neih bakah  cultural programme entirna neih a ni a.