Vawiin zing dar 11:00 khan Pu Lalmalsawma Home Conmissioner/Secretary  Govt. of Mizoram  kaihhruaina  in DC Conference Hall  Mamit-ah 13 November, 2009  a Bungthuam khua a thil thleng  avanga Bru, Tripura a tlanchhia te lak let dan tur chungchang ngaihtuah a ni a. He  meeting-ah hian an lo kir hunah chuan anmahni  khaw ngai ah theuh kir leh mai tha a hriat anih thu te, an rawn luhna hmun tur check point siama uluk taka Mizoram  mi ngei an nih leh nih loh check dan tur te, a nawlpuia luh nge tha anga khaw 2/3 te te a tahtawla hun bithliah siam tha zawk ang tih te, Security chungchang te leh an lo luh hlima an awm lailawkna tur ruahman sak dan turte leh eitur buhfai ruahman sak dan turte chipchiar takin sawi ho a ni a. Heng bakah hian an lo kir hlima lo buaipuia lo enfel puitu tur Administrative Officer khaw tinah ruahman pawh a tul dawn thu tarlan a ni a. Ruahmanna felfai leh kimchang DC Mamit-in siamin 5th May, 2010 hma-in Sorkar-ah thlen tura tih a ni, 15th May, 2010 ral hma-in lak let hna hi peihfel vek tura ruahman a ni bawk.

Mamit District chhung khaw riat- heng W. Bunghmun, Mualthuam, New Eden, Tumpanglui, K. Sarali, Kolalian, Bajirungpa Veng leh Damdiai atangin chhungkaw 400 chuangin Mizoram an chhuahsan a ni.

He meeting-ah hian BDO Reiek, BDO W. Phaileng,  BDO Zawlnuam te bakah Mamit-a Heads of Offices te an tel tha hle a ni.