Vawiin khan Mizoram State Social Welfare Board (MSSWB) huaihawtin ‘One Day Orientation Training for State Board Members & Voluntary Organisations’ chu I&PR Auditorium-ah neih a ni. He hunah hian New Delhi atanga lokal Pi Prema Cariappa, Chairperson, Central Social Welfare Board chu Khuallian niin Training a hawng a. Hawnna inkhawm Pi Zothankimi, Chairperson, MSSWB kaihhruaiah hian Mizoram State Women Commission Chairperson Pi Rozami chu Khual zahawm a ni bawk.
Central Social Welfare Board Chairperson Pi Prema Cariappa chuan thu sawiin Mizoram Social Welfare Board hnathawh a fak a, Ministry of Women & Child Welfare atanga tanpuina sum an dawn tur an dawn tlai thin chu chingfel thuai a nih tur bakah tun atang chuan Ministry pawh tan la zualin a hun ngeia an sum hman tur thawn an nih tawh tur thu kalkhawmte a hrilh a ni. Sorkar chuan e-governance uar zawka kalpui a tum thu sawiin Pi Cariappa chuan Ministry hnena dilna thehlut duhte tan website-ah direct-in a thawn theih tawh thu a sawilang bawk. Mizoram Social Welfare Minister Pu P.C. Lalthanliana nen hmalakna tur tam tak an sawidun thu tarlangin a bik takin hmeichhia leh naupangte tan Vocational training te, holiday camp te leh awlsam zawka eizawnna an hmuh theih nana themthiam thil chi hrang hrang zirna course hawn belh a ni ang, a ti.
Khual zahawm Pi Rozami pawhin thu sawiin Mizoram State Social Welfare Board kaltlangin hmeichhe pawl hrang hrang leh hmeichhe dinhmun nasa takin chawikan a nih tawh thu a tarlang a ni.
He Training-ah hian Social Welfare Board hnuaiah NGO 29 aiawhte an tel a. Pu S.K. Sailo, Project Officer, MSSWB paper ziah ‘Role of State Board Memebers & Responsibilities of NGOs (Functionaries)’ leh Pu Rosangliana, Fin.Secy., MSSWB kaihhruaiin ‘Accounting & Documentation’ chungchang zirho a ni.
Mizoram State Social Welfare Board hi kum 1973-ah khan Mizorama hmeichhiate leh naupangte tih hmasawnna leh changtlunna atana din a ni a, thawhpui tur leh kutke atan a hman turin tlawmngai pawl Mizoram Hmeichhe Insuihkhawm Pawl (tuna MHIP) hi din a ni nghe nghe. Vawiin ni thleng hian Board hian tlawmngai pawlte nen thawk hovin kawng hrang hranga hmeichhiate leh naupangte hmasawn nan scheme engemaw zat hmangin hna an thawk ho reng a ni. He Board inenkawlna tur hian state sorkar leh Central Board ten 50:50 an tum a, kumin thlenga scheme an kenkawh mek te chu : 1) Rajiv Gandhi National Creche Scheme, 2) Family Counselling Centre, 3) Short Stay Home, 4) Working Women Hostel, 5) Condensed Course of Education, 6)Awareness Generation Project leh 7) Integrated Scheme for Women Empowerment te an ni.
Khual zahawm Pi Rozami pawhin thu sawiin Mizoram State Social Welfare Board kaltlangin hmeichhe pawl hrang hrang leh hmeichhe dinhmun nasa takin chawikan a nih tawh thu a tarlang a ni.
He Training-ah hian Social Welfare Board hnuaiah NGO 29 aiawhte an tel a. Pu S.K. Sailo, Project Officer, MSSWB paper ziah ‘Role of State Board Memebers & Responsibilities of NGOs (Functionaries)’ leh Pu Rosangliana, Fin.Secy., MSSWB kaihhruaiin ‘Accounting & Documentation’ chungchang zirho a ni.
Mizoram State Social Welfare Board hi kum 1973-ah khan Mizorama hmeichhiate leh naupangte tih hmasawnna leh changtlunna atana din a ni a, thawhpui tur leh kutke atan a hman turin tlawmngai pawl Mizoram Hmeichhe Insuihkhawm Pawl (tuna MHIP) hi din a ni nghe nghe. Vawiin ni thleng hian Board hian tlawmngai pawlte nen thawk hovin kawng hrang hranga hmeichhiate leh naupangte hmasawn nan scheme engemaw zat hmangin hna an thawk ho reng a ni. He Board inenkawlna tur hian state sorkar leh Central Board ten 50:50 an tum a, kumin thlenga scheme an kenkawh mek te chu : 1) Rajiv Gandhi National Creche Scheme, 2) Family Counselling Centre, 3) Short Stay Home, 4) Working Women Hostel, 5) Condensed Course of Education, 6)Awareness Generation Project leh 7) Integrated Scheme for Women Empowerment te an ni.
Attachment
- Loading attachment...
