Ni thum cham tura lo zin Assam Rifles Director General Lt. Gen. K.S.Yadava chuan nimin khan Assam Rifles Headquarters Khatla-ah sipai bangte nen inkawmhona hun a neihpuia, sipai bangte chu ram leh hnam inpumkhatna atana an hnathawh leh inpeknate chhuanawm a tih thu a sawiin, hun lo kal leh zel turah pawh midangte entawn tlak leh zir tlak ni tura nun uluk leh invawng chhunzawm zel turin a chah nghal a ni. Hemi hnu hian General chuan Helicopter-in Lunglei leh Parva khuate a tlawh a; mi pawimawh tak takte kawmna hun a hman bakah Lungleia Chhandamna Sipai Pawl leh Baptist kohhrante enkawl fahrah chawmnain tlawh nghalin tanpuina thilpek a hlan ve ve bawk.

 

 

 

 

General thiannu Pi Meenakshi Yadava pawhin Range Headquaters-a Children’s Park siam thar chu hawngin Assam Rifles sipai nupuite leh an fate nen inkawmhona hun hlimawm tak a hmanpui nghal bawk a, hemi bakah hian Pi Meenakshi chuan Durtlanga FIWDC Peace Home tlawhin tanpuina thilpek a hlan nghal bawk a ni.