Parliamentary Secretary Pu S.Laldingliana chuan ni 19.5.2010 khan Lunglei chanchinbumite hmaah Saitluk rama thlawhna tumhmun siam theih loh chhan leh hemi chungchanga thil awmzia a sawifiah.
Pu S.Laldingliana chuan sorkar hmasa khan Saitluk airport siamna tura DPR buatsaih nan 13th Finance Commission-ah sum vaibelchhe 250 a dil a; Lunglei D.C chairman-na hnuaiah Airport Survey Committee pawh din a ni, a ti a. Amaherawhchu airport hmunhma survey turin engineer tirh a la nih lo a. Concept paper buatsaih a la nih loh vangin tun dinhmun ah 13th Finance Commission tan sum rawn pek ngaihna a awm lo, a ti a.
Saitluk airport siam tumna hmun hi mithiam ten a hmunah zan tam tak riah chilha uluk taka an endik hnuin thlawhna tum theihna daltu lian tak tak pahnih, Mualcheng tlang leh Thangte khaw hlui tlang te a awm vang leh ruam chhun khah tur nasa tak bakah meter 50 aia sang tlang pathum dang rawt tura awm avangin airport siamna atan remchang lovah an ngai.
Hetih lai hian Chief Minister Pu Lal Thanhawla'n chhim lama Zoram hmasawnna tura hmalakna kal mek, Indo-Bangladesh border trade te, Multi-modal transport Project te lo puitling chho mai tur thlirin Airport pangngai thlawhna lian tum theihna tur siam a tulzia a hria a, hmun remchang dang a zawng a. Tunah hian Mualcheng 'S' rama Thlisam ram ah siam theih a nih takin tiin a en turin mithiamte a tir lut a ni,a ti bawk a.
Thlisam ram hi a hmunah uluk taka belhchian hnuin mithiam ten survey tlakah an ngai a, tunah hian khawl leh hmanraw pawimawh te nen a hmunah riah chilhin Detail survey an nei dawn tih Pu Laldingliana chuan a sawi bawk a ni.
Saitluk airport siam tumna hmun hi mithiam ten a hmunah zan tam tak riah chilha uluk taka an endik hnuin thlawhna tum theihna daltu lian tak tak pahnih, Mualcheng tlang leh Thangte khaw hlui tlang te a awm vang leh ruam chhun khah tur nasa tak bakah meter 50 aia sang tlang pathum dang rawt tura awm avangin airport siamna atan remchang lovah an ngai.
Hetih lai hian Chief Minister Pu Lal Thanhawla'n chhim lama Zoram hmasawnna tura hmalakna kal mek, Indo-Bangladesh border trade te, Multi-modal transport Project te lo puitling chho mai tur thlirin Airport pangngai thlawhna lian tum theihna tur siam a tulzia a hria a, hmun remchang dang a zawng a. Tunah hian Mualcheng 'S' rama Thlisam ram ah siam theih a nih takin tiin a en turin mithiamte a tir lut a ni,a ti bawk a.
Thlisam ram hi a hmunah uluk taka belhchian hnuin mithiam ten survey tlakah an ngai a, tunah hian khawl leh hmanraw pawimawh te nen a hmunah riah chilhin Detail survey an nei dawn tih Pu Laldingliana chuan a sawi bawk a ni.
