Cancer Society of Mizoram ina a enkawl tur, cancer vei ten thlenna a an hman tur Khualbuk sak tur lungphum chu tukin khan Chief Minister Pu Lal Thanhawla chuan T.B.Tlang, Zemabawkah a phum.
Lungphum phumna inkhawm buatsaih tawite ah Chief Minister chuan Mizote hi zuk leh hmuam ti nasa, ei leh ina duhtuilo, kan taksa tibal leh tichhethei eia in tam kan nih avangin cancer vei tam ber hnam ka ni ta hi a lungchhiatthlak hle a ni a ti a. Thil thianghlimlo chitin reng kan eiin kan in nasa lutuka, kan taksa hian Pathian kan chawimawilo hle a ni a ti. Kan Pathian Nungin, ‘in thianghlim tur a ni kei ka thianghlim si a,’ a tih angin, thianghlim hi kan zir a ngai hle a ni a ti.
Cancer Society of Mizoram in viak tha taka hma an la chu lawmawm a tih thu Chief Minister chuan sawiin, mi te tana malsawmna ni chho zel turin duhsakna a hlan a ni.
Cancer Society of Mizoram hi kum 2001 July thla khan din a ni a. Zemabawkah hian mi in luah hawhin Cancer Khualbuk an siam a, hetah hian Aizawl khawpui leh thingtlang lama mi harsa tak tak cancer vei ten thlennaah hmangin, Zemabawka cancer hemna hi nitin pan ngai lovin heta tang hian awlsam takin an pan theih phah a ni. Cancer khualbuk luah mekah hian khum 10 a awm a, a khat deuh reng a ni.
Tuna khualbuk an sakna hmun tur hi sorkar Health department ram a ni a, Society hian an lo dil fo tawh angin, sak phalsak an ni dawn ta a ni. Mi thahnemngaite tanpuina tlingkhawma sak tur a ni.
Inkhawm tawi hi Cancer Society of Mizoram President nilai Pu Laltlankima’n a kaihruai a ni. Chief Minister hi a nupui Pi Lal Riliani bakah Pu Lalrinliana Sailo, Health Minister leh Pu S.Laldingliana, Parliamentary Secretary ten an tawiawm a ni.
Cancer Society of Mizoram in viak tha taka hma an la chu lawmawm a tih thu Chief Minister chuan sawiin, mi te tana malsawmna ni chho zel turin duhsakna a hlan a ni.
Cancer Society of Mizoram hi kum 2001 July thla khan din a ni a. Zemabawkah hian mi in luah hawhin Cancer Khualbuk an siam a, hetah hian Aizawl khawpui leh thingtlang lama mi harsa tak tak cancer vei ten thlennaah hmangin, Zemabawka cancer hemna hi nitin pan ngai lovin heta tang hian awlsam takin an pan theih phah a ni. Cancer khualbuk luah mekah hian khum 10 a awm a, a khat deuh reng a ni.
Tuna khualbuk an sakna hmun tur hi sorkar Health department ram a ni a, Society hian an lo dil fo tawh angin, sak phalsak an ni dawn ta a ni. Mi thahnemngaite tanpuina tlingkhawma sak tur a ni.
Inkhawm tawi hi Cancer Society of Mizoram President nilai Pu Laltlankima’n a kaihruai a ni. Chief Minister hi a nupui Pi Lal Riliani bakah Pu Lalrinliana Sailo, Health Minister leh Pu S.Laldingliana, Parliamentary Secretary ten an tawiawm a ni.
