3318/2023-2024

Dated Aizawl, the 12th January, 2024: Vawiin khan Chief Minister Pu Lalduhoma chuan a pisaah Central YMA Office Bearers te a kawm.

Central YMA hruaitute hian Chief Minister hi an lawmpui thu an hrilh a, sawrkar tharah hian rinna kan nghat a, a tul ang zela sawrkar nena thawhho kan inhuam a ni, tiin sawrkar thawhpui an inhuamna an hrilh a ni.

Chief Minister leh Central YMA OB te hian Environmental Clearance chungchang te, Assam Rifle ram chhunga pass neitute chungchang te, ruihhlo lo tam ta lutuk do dan tur tha nia an hriat te, Kuva ro tawlh thu te, Free Movement Regime thu te, Manipur atanga himna zawnga lo lut zohnahthlakte chungchang, Chapchar Kut lo thleng tur chungchanga YMA ngaihdan te leh thil pawimawh dang te an sawiho a ni.

He hunah hian Pu Lalhmachhuana, President, Vice President Prof. Lalnuntluanga, General Secretary Prof. Malsawmliana leh mi dangte an tel a ni.