3317/2023-2024

Dated Aizawl, the 12th January, 2024: Vawiin khan Chief Minister chuan a pisaah Student Bar Council, Govt. Mizoram LAW College hruaitute chu a kawm a. A hnena an harsatna a thlen te a ngaihthlak sak.

Chief Minister hian an zirlaite tha taka kalpuia, ram tana chhenfakawm, India ram hmun danga pawha zahpuiawm loh khawpa rintlak nih tum turin a lo fuih a. A hnena an harsatna thlen hrang hrang te chu document fel tak nena thlen tha leh turin a hrilh a. Ram mamawh thil tangkai tak tak te a nih avangin theihtawp chhuahin ka lo umzui dawn a ni, a ti.

Student Bar Council hruaitute hian Bar Enrollment Centre chungchang te, LL. M zir theihna hmun neih ve thu te, an college campus thar chungchang te, Separate High Court thute leh thil pawimawh dangte an thlen a ni.