3316/2023-2024

2024 Pawlkut thla ni 12: Kolasib District chhungah dan phal lohva ram pawn aṭanga kuhva lak luh a awm ṭhin tih hriat a nih avangin leh Ministry of Home Affairs, Govt of India lehkha No. 1/32/2019-BM-II Dt. 13.11.2019 leh Home Department, Govt of Mizoram lehkha No. D. 32021/9/2019-HM Dt. 2.12.2019 te'n he'ng dan lova kuhva rah lak luh khap a ṭul thu a tar lan tawh angin Kolasib District Magistrate Pu John LT Sanga chuan January ni 12, 2024 khan a hnuaia mi ang hian thupek a chhuah.

"Kolasib District huam chhungah dan ang ni lovin kuhva rah tu mahin an phur lut tur a ni lo va, a pal tlang nan an hmang tur a ni hek lo.

"He thupek hian chhuah a nih aṭanga ni 60 chhung a huam ang a, dan bawhchhia an awm chuan Section 188 IPC hmangin hrem an ni ang."