3315/2023-2024

Khawzawl, 12th January 2024: Viksit Bharat Sankalp Yatra-a Khawzawl District Prabhari Pu Dheeraj Joshi chuan January ni 10, 2023 khan Ngaizawl leh Neihdawn te a tlawh a. District Prabhari ho hian khaw pahnihah te hian sawrkar laipui ruahmanna (scheme) hrang hrang inzirtirna leh inziahluhna hun hman a ni.

District Prabhari Pu Dheeraj Joshi-a hi Khawzawl SDC Pu Elijah LH Sanga leh District chhunga sawrkar laipui scheme kalpuitu ‘Line Department’ hrang hrang aiawh ten an tawiawm a. Ngaizawl leh Neihdawn khuaah te hian mipuite hmaah sawrkar laipui scheme inzirtirna video chhuah niin, mipuite tan hian scheme hrang hranga inziahluhna hun hman a ni bawk.

Ngaizawl leh Neihdawn khua te hi pawna inthiar awm tawh lohna (ODF Plus) a puan an lo nih tawh angin Pu Dheeraj Joshi hian lawmpuina thuziak a hlan a. Hei bakah hian khawtlang tihmingthatu zaithiam, infiammi, SHG leh kalkhawmte hnenah lawmpuina thuziak hi hlan a ni bawk.