3314/2023-2024

Dated Aizawl, the 12th January, 2024: Vawiin khan Chief Minister Pu Lalduhoma chuan India Mission Association hruaitute chu a pisaah a kawm.

Chief Minister hian India Mission Association hruaitute hi an hmalak dan tlangpui te a lo zawt a, an rawngbawlnain rah tha a chhuah zel avangin lawmthu a hrilh a ni. MP a nih laia Christian Dalit Liberation Movement-a Patron a lo nih tawh thu leh chumi kaltlanga hma an lo lak ve tawh dan te a hrilh a ni.

India Mission Association hruaitute hian kum laihawlah General Body Meeting, Aizawlah an nei dawn a, Synod Mission Board in a lo buaipui dawn a ni. He an inkhawmpuina hmunhma en hian an rawn zin mek a ni. IMA hruaitute hian 'Christian rama Christian Chief Minister, kohhran upa ngat hi hmuh kan chak vang leh chumi huna keynote Speaker atan sawm che kan duh avangin kan rawn leng a ni' tiin Chief Minister hi an hrilh a ni.

He hunah hian Rev Dr. Isaac Raja, General Secretary, Rev. Rajesh Tiwari, IMA Global Ambassador, Rev. R. Lalhmingsanga, Secretary, Synod Mission Board leh mi dangte an rawn tel a ni.