3313/2023-2024

Dated Siaha 11th January 2023: Vawiin khan Pi Rina Sonowal Kouli, District Prabhari Officer, chuan Siaha lo thlengin Siaha District chhunga Viksit Bharat Sankalp Yatra (VBSY) hnuaia hmalakna hrang hrangte a enfiah.

Pi Rina Sonowal Kouli hian Theiri leh Tisi khuaa VBSY Campaign site-a tlawh hmasa a. Viksit Bharat Sankalp Yatra kaltanga sawrkar Department- te hmalakna tlangpui leh mipuiten an chhawr tangkai dan enfiahin, VBSY hnuaia beneficiary- te nen inkawmhona an nei nghal a. Pi R.Lalnunkimi, Tipa BDO leh Block Level Nodal Officer nibawk chuan District Prabhari Officer hi a hmunah a tawiawm a ni. Vawiin tlailam khan Pi Rina Sonowal Kouli hian Siaha Circuit House lo thlengin Pi B.Malsawmtluangi , District Nodal Officer leh line Department hotuten an lo hmuak a, Circuit Conference Hall-ah inkawmhona an nei nghal a ni.

Pi Rina Sonowal Kouli chuan Mizoram chu a vawikhat rawnkalna a ni tih sawiin, sawrkar Official leh mipuiten an lo dawngsawng tha hle tih tarlangin duhsakna a chan zawng zawngah lawmthu a sawi a. Siaha District-a Viksit Bharat Sankalp Yatra (VBSY) kalpui dan chu a tha hle tih tarlangin, mipuiten an hlutin an ngaipawimawh hle tih a takin ka hmu a ka lawm hle a ni, a ti. VBSY Schemes hnuaia hlawhtlinna sang zawk nei turin 'Incentives Award' ngaihpawimawh a tul hle tih tarlangin rilru nasa zawk a lo seng zel turin kalkhawmte hi a chah nghal bawk.

Pi B. Malsawmtluangi, chuan Siaha District-a Viksit Bharat Sankalp Yatra (VBSY) kalpui dan tlangpui report pekna a nei a. December ni 18, 2023 khan Viksit Bharat Sankalp Yatra (VBSY) hawnna inkhawm chu DC Office Complex- ah neih a nih tawh thu tarlangin, hemi ni vek hian Pu Lalhmunsanga Hnamte, District Bawrhsap chuan Mobile IEC Van-a vailiam a, New Siaha leh Siahatla ah hmalakna bultan nghal a ni, a ti. Mobile IEC Van hi a kalna apiangah Line Department-ten zui zelin, Data leh information pawimawh ang angte chu VBSY portal- ah upload nghal zel a ni a ti. Line Department-a hotuten VBSY hnuaia hmalakna an neih hrang hrangte report pekna an nei bawk a ni.