3312/2023-2024

2024 Pawlkut thla ni 11: India ram khaw hrang hrang tuam chhuaka Sawrkar Laipui ruahmanna hrang hrang inzirtirna, Viksit Bharat Sankalp Yatra (VBSY) kalpui mekah, Kolasib District Prabhari Officer Pu Devendra Kumar Nim, Joint Secretary, National Human Rights Commission hovin vawiin khan Kolasib District chhunga khaw pahnih - Pangbalkawn leh Saihapui K-ah te VBSY hnuaia thil pawimawh hrang hrang inzirtirna hun hman a ni.

District Prabhari Officer Pu Devendra Kumar Nim hi Kolasib District Additional Deputy Commissioner Pi Melody Ngurthantluangi leh line department hrang hrang hotute'n an ṭawiawm a. He'ng khaw pahnihahte hian line department hrang hrang ai awhte'n an department hnuaia sawrkar ruahmannate an sawi fiah bakah, beneficiary-te hnen aṭangin scheme an hlawkpui dan ngaihthlak a ni bawk a. Mipuite tan Ayushman Bharat Card siamna leh ngawr (TB), zunthlum leh thisen sang a thlawna endikna te buatsaih niin, PM Ujjwala hnuaia a thlawna gas connection neih theihna tur leh lo neitute tana Kisan Credit Card loan dilna tur atana inziah luhna leh PM-Kisan leh scheme chi hrang hrang hnuaia inziah luhna hun te buatsaih nghal a ni a. Khawlthlawkthei (drone) hmanga lei ṭha leh hlo pek dan leh lei ṭhat dan endik theih dan te a taka entirna, drone demonstration buatsaih a ni bawk.