2412/2022-2023  

24.10.2022: Chief Minister Pu Zoramthanga chu vawiin khan ni khat cham turi Champhai a thleng. DC Pu James Lalrinchhana leh Head of Office hrang hrangte leh tlawmngai pawl hruaitute'n Circuit House ah lo hmuak in inkawmna hun an hmang.

Chief Minister Pu Zoramthanga chuan kalkhawmte chibai bukin, khawtlang mipuite leh sawrkar hnathawkte chu hmathlir tha tak nen Champhai hmasawnna tura thawk zel turin a chah a. Champhai pawimawhna chu agriculture leh horticulture lam - buh, thei leh thlai tam tham taka tharchhuah a nih thu a sawi a. Pawisa tam tak lakluh theihna turin leilet zau tak an neih chu hmang tangkai a, humhalh a hmasawn zel a nih theih nan hmalak chhunzawm ni se a ti a ni.

Heng bakah hian Champhai chu thenawm ram nen a inri a nih avangin ram pahnih inkar inlaichinna ah - politics a ni emaw, sumdawnna a ni emaw, thildangah pawh dinhmun pawimawh tak a luah thu Chief Minister chuan a sawi bawk.

Champhai North bialtu MLA Dr. ZR Thiamsanga pawh he hunah hian a tel a ni.

Attachment

  • Loading attachment...