2411/2022-2023
Regional Meteorological Centre, New Delhi leh State Meteorological Centre, Govt. of Mizoram in a tihchhuah angin Bay of Bengal chhim chhak lama cyclone insiam mek hian Mizoram chu October, 25,2022 ah thli a in a hrut ve thut theih ah dah a ni a, October, 25,2020 hian darkar khata kilometer 45-65 vela na in thli hi thawk tura ngaih a ni.
Cyclone chungchangah hian mipuite chia lo turin kan inhriattir a, amaherawh chu mipuite cyclone thleng thut palh thei leh chhiatna thleng theite laka fimkhur turin leh inkaihhruaina te hi zawm turin kan ingenin kan inhriattir a ni.
1. Mahni in leh lo te thli leh ruah a dawl theih a nan a tul anga thawm that ngai lai te thawm that tur a ni. Tui paihna leh tuihawk luankawr te mumal taka siam/thenfai tur a ni.
2. Mahni in leh a velah leimin hlauhawm a awm a nih chuan silpaulin/ tarpaulin a khuh that tur a ni.
3. Thing leh mau thli in a len thluk mai theih, electric wire delh mai theih te chu kih/a zar thlak tur a ni.
4. Thlipui leh ruah vanga eng neih loh theih a nih avangin electric hmang thil te in charge lawkin, eng awmloh pawh a eng chhit tur kan inruahhman lawk tur a ni.
5. Khualzinte tan kawng lakah chhiatna thleng thei palhah tui thianghlim leh eitur inruahman lawk theih a tha.
6. Lui leh tui hmunah te kal loh tur.
He Cyclone avang hian October 24, October 25, leh October 26, 2022 ah te hian ruah tam tak sur thei a ni bawk.
Thudik tawklo leh belhchian dawllo thehdarh loh tur a ni a, alo theh darh an awm chuan DM Act-2005 hnuaia hremna dan ziak angin an chungah action lak a ni ang.
Chhiatna a lo thleng a nih chuan a rang thei ang berin DEOC Pnone Number 2323635/2325949 ah emaw mani bialtu Incident Commander te hriattir vat tur a ni.
