2784/2026-2027

Champhai the 23rd October 2026: Vawiin khan Champhai Circuit House Conference Hall-ah Bans Kaih Component pakhat Decentralised Planning hnuaia District Transformation Programme hmanga Champhai Deputy Commission bultuma kalpui tur Project Learning & Education Advancement in District Champhai (Project LEAD Champhai) chu Chief Minister Pu Lalduhoman a hawng. Er. H. Ginzalala, Adviser to CM chu khualzahawm a ni.

India ram hian kum 2047 ah ram changkang nih a tum a, chu mi mil chiah chuan Mizoram hian kum 2047 ah India GDP zaa pakhat lo thawhchhuah ve theih kan tum a. Chu dinhmun thleng tur chuan nasa taka kan inthlakthleng (transform) a ngai a. Bana Kaih atangin District Transformation Programme te kan siam a ni. He programme kal tlanga Champhaiin hmalakna tha tak in lo kalpui hi a lawmawm hle a ni, a ti.

Kumin March ni 2 khan Chief Minister hian district tinte chu Bana Kaih Decentralised Plan hnuaiah hian Catalytic Fund Rs. 1 Crore theuh a lo pe tawh a. Kha fund hmanga hnathawh kal zel kha niin Champhaiah hian project LEAD bik tan Rs. 25 Lakh ruahman a ni a. School mamawhte pek an nih bakah chhiarkawp leh science zirtirtute tuaihriam nan Ajim Premji University te nen thawhhona kalpui a ni.

District chhunga school hrang hrangte hnenah zirna atana an mamawh hmanruate sem nghal a ni a, chungte chu:

Water filter - 20
Water cooler - 20
Whiteboard - 30
Storage box - 32 te an ni.

Project hawnna inkhawm hi Pu Lalbiakfela, Addl. DC chuan a kaihruai a, Pu Mohammad Aaquib, IAS, DC Champhai chuan District Transformation Programme hmanga hma an lakna dangte sawifiahna a nei a ni. Pu C. Lalremliana, Chairman, KVI Board leh district official pawimawhte, zirna in hrang hranga thawktute an tel a ni.