3365/2023-2024

Dated Aizawl, the 16th January, 2024: Vawiin khan Chief Minister chuan a pisaah Champhai Grape Growers Society hruaitute a kawm a, an harsatna te a ngaihthlak sak.

Chief Minister chuan, an hmunhmate a lo tlawh fo tawh avangin harsatnate a hriatthiampui tih a hrilh a, 'in thlaitharte tha taka in hralh theih nan, sawrkarin tih theih a neih te chu a indawtin tih chhoh zel kan tum dawn a. Tunah erawh chuan sawrkar thar kan kalpui tan chauh a ni a, sum leh pai lama intiamna ang chi chu engmah kan tithei rih lo. Inpuih theih hun erawh chu a la awm em em ang, chu hun chu i nghak hram hram ang u. Kan sawi fo thin angin kum khat tal insawhngheh nana hman kan mamawh a ni, a ti a ni.

Champhai Grape Growers Society hruaitute hian an Society tana Chief Minister-in hma a lo laksak tawh te an hriatreng thu an sawi a,  lawmthu an hrilh a. An harsatna hrang hrang te chu ziakin an thlen nghal a ni.