3366/2023-2024

Aizawl, 16.1.2024: Land Resources, Soil & Water Conservation Department chuan vawiin chawhma khan an Minister Pu Lalthansanga leh Dr.Kenneth Chawngliana, Vice-Chairman, Mizoram State Planning Board hovin an department Conference Hall-ah kumthar inhlantharna hun an hmang.

He inhlantharna hunah hian Pu Hualthanga Chhakchhuak, Director chuan Department chanchin, hmalakna leh hmachhawp tlangpuite a sawi bawk a ni. Minister Pu Lalthansanga chuan dikna, rinawmna leh inpekna nena thahnemngai taka hna thawk theuh turin thawktu zawng zawngte a sawm a. Kumthara hmalakna tur hrang hrangte a sawi bawk.

Dr.Kenneth Chawngliana, Vice-Chairman, Mizoram Planning Board pawhin thu sawina hun a hmang bawk.

He inkhawm hi Pi K.Lalrinzuali, Secretary, Land Resources, Soil & Water Conservation Department chuan a kaihruai a, Pi Rosy Lalmuansangi Hmar, Joint Director (Adm) in lawmthu sawina neiin hun tawp a khar a ni.