The Savation Army, Anti Human Trafficking Unit in a buatsaih, Community Health Action Network (CHAN) Day and Anti Human Trafficking Day, vawiina Vanapa Hall-a buatsaihah Chief Minister Pu Lal Thanhawla chu Khuallian a ni.

 

 

Chief Minister Pu Lal Thanhawla chuan Pathian huat ber chu mipat hmeichhiatna a inthlahdah hi a ni a ti a. CHAN in hetiang ni hmang tura hun an buatsaih chu lawmawm a tih thu a sawi a. Kan khawtlang nun tluchhe mek hian siam that a mamawh hle a, chumi kawnga CHAN in hma ala chu Mizo te tan a vanneihthlak hle a ni a ti a. An hmalakna kawng hrang hrangah a tul ang zelin sorkar pawh a tih tur chu a ti chho ve zel ang a ti a. Mizoramah mihringa sumdawnna dolet anih theihna tura CHAN in sorkar department hrang hrangte nena consultation meeting an tuma  ‘Memorandum’ an siam, Chief Minister hnena an pek, point 18 te chu Pu Hawla chuan a tul ang leh sum remchanna ang zelin sorkar chuan hma ala ang a ti a ni.